Dərəcələndirmə modulu müəssisədə əməkdaşların vəzifə səviyyələrinin, maaş diapazonlarının, kompetensiya tələblərinin və karyera inkişaf yollarının strukturlaşdırılmış şəkildə idarə edilməsini təmin edir. Modul şirkətin təşkilati strukturunu üzrə əməkdaşların mövqelərini obyektiv şəkildə dəyərləndirməyə imkan verir və əməkhaqqı siyasətinin standartlaşdırılmasını dəstəkləyir.

Modulda hər vəzifə üçün ayrıca dərəcə (grade) müəyyən olunur və bu dərəcəyə uyğun maaş intervalı, bonus imkanları, tələb olunan bilik və bacarıq, kompetensiyalar, təhsil və təcrübə tələbləri, eləcə də mövqenin məsuliyyət səviyyəsi sistemdə qeyd edilir. Bu, həm HR komandası, həm də rəhbərlərin əməkdaşların mövqeyini dəqiq müəyyən etməsinə imkan yaradır.

Dərəcələndirmə sistemi ilə müəssisədə ədalətli maaş strukturunun qurulması təmin olunur — eyni dərəcə və ketaqoriyada olan əməkdaşlar üçün sabit və standartlaşdırılmış maaş siyasəti tətbiq edilir. Modul karyera inkişaf xəritələrini dəstəkləyir: əməkdaşın daha yüksək dərəcəyə keçməsi üçün hansı bacarıqları və nəticələri göstərməli olduğu sistemdə açıq şəkildə görünür.

Dərəcələndirmə Modulu müəssisədə şəffaflığı artırır, əməkdaşlar arasında ədalət prinsipini gücləndirir və HR siyasətlərinin tam sistemli və balanslı şəkildə idarə olunmasına imkan verir.